අගමැති ඉන්දුනීසියාවට .
ඉන්දුනීසියාවේ දෙදින නිල සංචාරයක නිරත වන අග්‍රාමාත්‍ය රනිල් වික්‍රමසිංහ සහ මහාචාර්ය මෛත්‍රී වික්‍රමසිංහ ඇතුලූ දූත පිරිස ඉන්දුනීසියාවේ නුවර සුකර්නෝ – හත්තා ජාත්‍යන්තර ගුවන් තොටුපොළින් ඉන්දුනීසියාවට ළඟාවූහ.
ජකර්තා නුවරට පැමිණි අග්‍රාමාත්‍ය රනිල් වික්‍රමසිංහ ඇතුලූ දූත පිරිස පිළිගනු ලැබුවේ ඉන්දුනීසියාවේ වෙළඳ කටයුතු අමාත්‍ය එන්ගර්තියස්තෝ ලූකිතා විසිනි.
එම අවස්ථාවට ඉන්දුනීසියාවේ ශ්‍රී ලංකා තානාපති දර්ශන එම්. පෙරේරා ප්‍රමඛ තානාපති කාර්යාලයීය නිලධරීහු ද එක්ව සිටියහ.
රාජ්‍ය ව්‍යවසාය සංවර්ධන අමාත්‍ය කබීර් හෂීම්, ජාතික ඒකාබද්ධතා සහ සංහිදියා රාජ්‍ය අමාත්‍ය ඒ. එච්. එම්. ෆවුසි, සංවර්ධන උපාය මාර්ග සහ ජාත්‍යන්තර වෙළඳ රාජ්‍ය අමාත්‍ය සුජීව සේනසිංහ ද මේ සංචාරයට එක්ව සිටිති.