අනවශ්‍ය කතා සහ වැඩ එපා.වීරවංශට නා හිමිගෙන් දොස්.
ශ්‍රී ලංකාවේ තවමත් නව ව්‍යවස්ථාවක් කෙටුම්පත් කර නොමැති බැවින් එමඟින් රටට අහිතකර දේ සිදුවනු ඇතැයි අනවශ්‍ය සැකයක් ඇති කරගෙන කටයුතු කිරීම අනුමත කළ නොහැකි බව මල්වතු පාර්ශවයේ මහනාහිමියෝ පවසති.
අතිපූජ්‍ය තිබ්බටුවාවේ ශ්‍රී සිද්ධාර්ථ සුමංගල මහනාහිමියන් ඒ බව කියා සිටියේ පාර්ලිමේන්තු මන්ත්‍රී විමල් වීරවංශ ඇතුළු ජාතික නිදහස් පෙරමුණේ පිරිසක් මහනුවරදී එහිමියන් මුණගැසුණු අවස්ථාවේදී ය.
ජනාධිපති මෛත්‍රීපාල සිරිසේන හෝ අගමැති රනිල් වික්‍රමසිංහ නව ව්‍යවස්ථාව තුළින් රටට අහිතකර යමක් සිදුකරතැයි තමන් වහන්සේ කිසිසේත් විශ්වාස නොකරන බවත් මහජනතාවගෙන් කරුණු විමසා එම යෝජනා පදනම් කරගනිමින් නව ව්‍යවස්ථාව සකස් වන බැවින් ඒ පිළිබඳ දැන්ම අනියත බියක් ඇතිකර නොගත යුතු බවත් රටේ ඒකීය භාවයට හෝ බුදු දහමට අයහපත් යමක් නව ව්‍යවස්ථාව මගින් සිදුකෙරෙනු ඇතැයි තමන් වහන්සේ නොසිතන බවත් යුද අපරාධ පිළිබඳව පරීක්ෂා කිරීම හමුදාවට එරෙහිවීමක් නොවන බවත් සඳහන් කළ මහනාහිමියෝ එයට අදාළ නඩු විභාග සිදුකරන්නේ මෙරට විනිසුරුවන් හමුවේ බවත් වීරවංශ මන්ත්‍රීවරයා ඇතුළු පිරිසට වැඩිදුරටත් පෙන්වා දුන්හ.