එට්කා ගැන, අපි වෙනත් තීන්දුවක.
ලංකාව සහ ඉන්දියාව අතර එට්කා ගිවිසුම අත්සන් කිරීමට අගමැති රනිල් වික‍්‍රමසිංහ කියන පරිදි කටයුතු කිරීමට සුදානම් නොමැතිබව බව ශ‍්‍රි ලංකා නිදහස් පක්‍ෂය පවසයි.
එම පක්‍ෂ මාධ්‍ය ප‍්‍රකාශක ඇමති ඩිලාන් පෙරේරා මේ බව කියා සිටියේ කොළඹ පැවති මාධ්‍ය හමුවකට එක් වෙමිනි.
භාණ්ඩ සම්බන්ධයෙන් විශාල ප‍්‍රශ්නයක් නැතත් වෘත්තිකයන් සම්බන්ධයේ කිසිදු එකගතාවක් ශ‍්‍රීලනිපයේ නැතැ ඔහු වැඩි දුරටත් පැවසීය.
අගමැතිතුමන්ගේ ප‍්‍රකාශය අවසන් තීරණය නොවන බවත් එය ඔහුගේ මතය බවත් කී ඔහු මහ බැංකු අධිපතිවරයාගේ සිදුවීමේදී අගමැතිවරයා දැරූ මතය පරාජය වූ බවද සිහිපත් කලේය.