කළු ජූලියට එරෙහිව ඇමති ඩිලාන්ගෙන් සහෝදරත්වයේ ක්‍රීඩා උළෙලක් .
1983 කළු ජූලියේ අමිහිරි මතකයන්ට එරෙහිව ජාතින් අතර සහජීවනය ,සහෝදරත්වය තහවුරු කළ යුතු යයි අරමුණෙන් යුතුව මහා මාර්ග රාජ්‍ය අමාත්‍ය ඩිලාන් පෙරේරා සහෝදරත්වයේ ක්‍රීඩා උළෙලක් පවත්වා තිබේ. ඒ හාලි ඇළ ප්‍රාදේශීය සභා ක්‍රීඩාංගනයේදි ය. හාලි ඇළ ප්‍රාදේශීය බල ප්‍රදේශයේ පාසැල පහක දරුවන් 3500 කට අධික සහභාගිත්වයෙන් ක්‍රීඩා නිවාස හතරකින් යුතුව මෙම උළෙල පවත්වා තිබේ. සියලු ජාතිකත්වයන්වල දරුවන් හැම නිවාසයකටම ඇතුලත්වන පරිදි මෙම උළෙල පැවැත්වීම විශේෂිත වේ. දැඩි වර්ෂාව මධ්‍යයේ වුවද පැවති මෙම උළෙලට පවුසි ,හරින් ප්‍රනාන්දු ,මනෝ ගනේෂන් ,පළාත් මහ ඇමති චාමර සම්පත් ඇතුළු මැති ඇමතිවරු ගණනාවක් මිට සහභාගී වුහ .