කේපාපිලවු ගම්මානයේ ඉඩම් යලි ජනතාවට.
ගුවන් හමුදාවේ පරිහරණය යටතේ මුලතිවු දිස්ත්‍රික්කයේ කේපාපිලවු ගම්මානයේ පවුල් 52 දෙකකට අයත් ඉඩම් අක්කර 42ක් නිදහස් කොට තමන් වෙත බාරදුන් බව මුලතිවු දිසාපතිනී රූපවතී කේතීස්වරන් පවසයි.
දිසාපතිනිය විසින් මෙසේ භාර ගනු ලැබූ ඉඩම් නැවත අයිතිකරුවන් වෙත ලබාදීමට කටයුතු යොදා ඇත.
කේපාපිලවු ගම්මානයේ වැසියන් වෙත එම ඉඩම් නිදහස් කර දීමට ගුවන් හමුදාව කටයුතු කළේ ජනාධිපතිවරයා විසින් පසුගිය 27 වෙනිදා ගුවන් හමුදාපතිවරයාට කළ දනුම් දීමක ප්‍රතිඵලයක් වශයෙනි.
මුලතිවු දිසාපතිනිය වැඩි දුරටත් කියා සිටියේ කේපාපිලවු ගම්මානයේ යුද හමුදාව විසින් තවමත් පරිහරණය කරනු ලබන ඉඩම් නැවත නොලැබුණු පිරිස අද සිට අළුතින් විරෝධතාවක් ආරම්භ කළ බවය.
එසේ යුද හමුදාව විසින් තවමත් පරිහරණය කරන සාමාන්‍ය වැසියන්ට අයත් ඉඩම් ප්‍රමාණය කොතෙක් දැයි තමන් නොදන්නා බවද ඇය කියා සිටියාය
(ඡායාරූප BBBයෙනි.)