ජනාධිපති කොමිසමේ පැමිණිලි 9ක පරීක්ෂණ අවසන්.
බරපතළ වංචා විමර්ශන ජනාධිපති කොමිසම විසින් පැමිණිලි 9ක් පිළිබඳව සිදුකරන පරීක්ෂණ මේ වන විට අවසන් කර තිබේ.
එම කොමිසමේ ප්‍රකාශකයෙකු කියා සිටියේ එම පරීක්ෂණ වාර්තා ඉදිරියේ දී ජනාධිපතිවරයා වෙත බාරදීමට නියමිත බවයි.
අදාළ වාර්තා සකස් කිරීමේ කටයුතු මේ වන විට ආරම්භ කර ඇති බවත් වාර්තා සකස් කර අවසන් වු වාර්තා තුනක් මේ වන විටත් ජනාධිපතිවරයා සහ නීතිපතිවරයා වෙත බාර දී ඇති බව ජනාධිපති කොමිසම සඳහන් කරයි.
බරපතළ වංචා විමර්ශන ජනාධිපති කොමිසමට පැමිණිලි 1500කට වැඩි ප්‍රමාණයක් ලැබී ඇති අතර විෂය පථයට අදාළ නොවන පැමිණිලි ද ඒ අතර වන බව සඳහන්ය.