ජාවාරම්කරුවන් 10ක් පොලිස් අත්අඩංගුවට
යාපනය ප‍්‍රදේශයේ විවිධ ජාවාරම්වලට සම්බන්ධ පුද්ගලයින් දස දෙනෙකු අත්අඩංගුවට ගත බව පොලිසිය සදහන් කළේ ය.
ඒ පලෙයි පොලීසිය සතියක කාලයක් පුරා සිදු කළ වැටලීමක ප‍්‍රතිඵලයක් ලෙස ය .
ඒ අතරට නීති විරෝධී මත්ද්‍රව්‍ය ජාවාරමේ නිරත වූ පුද්ගලයින් 7 දෙනෙකුද ඇතුළතවේ. මීට අමතරව නීති විරෝධීව වැලි ජාවාරමේ නිරත වූ පුද්ගලයින් තිදෙනෙකුද අත්අඩංගුවට ගෙන ඇත.
පොලීසිය පැවසුවේ බීමත් රියදුරන් හයදෙනෙකුද එම කාලයේදී අත්අඩංගුවට ගෙන ඇති බවය.
විවිධ වැරදි සම්බන්ධයෙන් වරෙන්තු නිකුත් කර සිටි පුද්ගලයින් 4 දෙනෙකුද අත්අඩංගුවට ගෙන ඇති බව සදහන්ය.