ඩෙංගු නිසා පාසල් වැසේ. එක් ප්‍රදේශයකින් පමණක් මාස දෙකකට රෝගීන් දහසක්.

“ඩෙංගු රෝගය කින්නියා ප්‍රදේශයේ සීඝ්‍රයෙන් පැතිරයාම නිසා අපි කලාපයට අයත් පාසල් හැටහයක් තාවකාලිකව වසා තැබුවා.ශිෂ්‍යයන් සහ ගුරුවරුන්ට ඩෙංගු හැදිලා තියෙනව.ඔවුන්ගේ පැමිණීම අඩුවුනා.ඒ නිසා අපි ඉහල නිලධාරීන් සමඟ කතාකරලා දවස් තුනක් පාසල් වසා දැමීමට තීරණය කළා” යයි  කලාපීය අධ්‍යාපන අධ්‍යක්ෂවරයා බීබීසියට පවසසා ඇත.කින්නියා ප්‍රදේශයේ ඩෙංගු රෝගය දරුණු අතට හැරීමත් සමඟ ත්‍රිවිධ හමුදාව සහ ස්වේච්ඡා සංවිධාන මැදිහත් වීමෙන් මහා පරිමාණයේ පරිසර පිරිසිදුකිරීමක්ද ක්‍රියාවට  නගා ඇත.මේ අතර  කින්නියා මූලික රෝහල කියා සිටින්නේ මාස දෙකක තුල  දහසකට අධික ඩෙංගු රෝගීන් සිය රෝහලට වාර්තා වූ බවයි.