ජනාධිපතිවරයාගෙන් ඉවත් කර පාර්ලිමේන්තුවට පවරනු ලැබූ බලතල ඇතුළු සුවිශේෂී බලතල සහිත අමාත්ය ධූරයක් නිර්මාණ කර එමගින් සුපිරි ඇමතිධුරයක් සකස් කරගැනීම සඳහා ගෙන ආ සංවර්ධන විශේෂ විධිවිධාන පනත් කෙටුම්පත පළාත් සභා තුනකින් ප්රතික්ෂේප කිරීමත් සමග එම පනත සංශෝධනය කිරීමට තමන් සූදානම් බව අගමැතිවරයා එකඟතාවය පළකර ඇති බව වාර්තා වේ.
මෙම පනත් කෙටුම්පත ඌව පළාත් සභාවේදීද උතුරුමැද පළාත් සභාවේදී හා උතුරු පළාත් සභාවේදී වැඩි ඡන්දයෙන් පරාජයට පත්විය. උතුරු පළාත් සභාවේදී මෙම යෝජනාව සාකච්ඡාවටද නොගනිමින් ප්රතික්ෂේප කර ඇත.
කෙසේ නමුදු අගමැතිවරයා මහඇමතිවරුන් ගේ සාකච්ඡාවක් කැඳවා තිබුණු නමුත් එම අවස්ථාවට සහභාගී වී ඇත්තේ ඌව, බස්නාහිර, දකුණු, නැගෙනහිර යන පළාත් සභාවල මහ ඇමතිවරුන් පමණක් බව වාර්තා වේ.