කුමන ආකාරයේ බාධා එල්ල වුවත් ආණ්ඩුවට එරෙහි පාද යාත්රාව සාර්ථකව සිදු කරන බව ඒකාබද්ධ විපක්ෂය පවසයි.
පාද යාත්රාව අගෝස්තු පළමු දා කොළඹට එන ඇති බවයි විපක්ෂයේ පාර්ලිමේන්තු මන්ත්රී ඩලස් අලහප්පෙරුම කියා සිටියේ.
පාර්ලිමේන්තුවට ඉදිරිපත් වන ඕනෑම පනතක් තුනෙන් දෙකක බහුතර කැමැත්ත ඇතිව සම්මත කර ගන්නා බැවින් ආණ්ඩුවට එරෙහි සිය අරගලය පාර්ලිමේන්තුවෙන් ඔබ්බට ගෙන යාමට තීරණය කළ බව මන්ත්රීවරයා සඳහන් කළේය.
මේ අතර ඒකාබද්ධ විපක්ෂයේ පාද යාත්රාව පිළිබඳ දැනුවත් කිරීම සඳහා නවගමුවේ පැවති ජන හමුවක් අමතමින් පාර්ලිමේන්තු මන්ත්රී විමල් වීරවංශ සඳහන් කළේ බලයට පත් වී ගත වූ කෙටි කාලය ඇතුළත වත්මන් ආණ්ඩුව රටට බරපතළ හානියක් සිදු කොට ඇති බවයි.