බණ්ඩාරවෙලට මූලික රෝහලක්.

සංචාරක නගරයක් වශයෙන් දියුණුවෙමින් පවතින බණ්ඩාරවෙල පිහිටි දිසා රෝහල මූලික රෝහලක් බවට පත්කරගැනීමටත් ඊට අවශ්‍ය මානව හා භෞතික සම්පත් ලබාගැනීමටත් ඉදිරියේදී කටයුතු කරන බව පසුගියදා ඌව පළාත් ආණ්ඩුකාර  ඇම්.පී.ජයසිංහ  විසින් බණ්ඩාරවෙල දිසා රෝහල් සංකීර්ණයේදී පැවති විශේෂ සාකච්ජාවේදී පැවසිය.මේ  අවස්ථාවට ඌව පළාත් ප්‍රධාන අමාත්‍ය චාමර සම්පත් දසනායක ද  සහභාගී  විය .

එහිදී, ඌව පළාත් ප්‍රධාන අමාත්‍යවරයා පැවසුයේ බණ්ඩාරවෙල දිසා රෝහල මූලික රෝහලක් බවට පත්කරගැනීමටත් මහියංගන රෝහල රජයට පවරා දීමටත් දැනටමත් රජයට කරුණු ඉදිරිපත් කර ඇති අතර ඉදිරියේදී අමාත්‍ය මණ්ඩල රැස්වීම් වලදී ඒ පිළිබඳ කරුණු ඉදිරිපත් කිරීමට බලාපොරොත්තු වන බවයි.