“බ්‍රිතාන්‍යය යුරෝපා සංගමයෙන් ඉවත්වීම අපේ ආර්ථිකයට සුවිශේෂ බලපෑමක් නැහැ” කොළඹ වාණිජ මණ්ඩල සභාපති ආචාර්ය අමිල කංකානම්ගේ
“ලෝකයේ කාලයෙන් කාලයට මෙවැනි සිදුවීම් ඇති වෙනවා. නමුත් එවැන්නකින් අපේ ආර්ථිකයට විශාල බලපෑමක් ඇතිකළ නොහැකියි. ජාත්‍යන්තර සිදුවීම් මත වෙනස් වන ආර්ථිකයට වඩා වැදගත් වන්නේ ශක්තිමත් දේශීය ආර්ථිකයක් ගොඩනැගීමයි. ඒ සඳහා මෙරට ව්‍යාපාරික ප්‍රජාව බලගැන්වීම හැර වෙන විසදුමක් නෑ. අනික එවැනි තත්වයන්ට මුහුණදීමට දෙවැනි විසදුමකට අනීවාර්යයෙන්ම යා යුතු” යැයි බ්‍රිතාන්‍ය යුරෝපා සංගමයෙන් ඉවත්වීම පිළිබඳව මාධ්‍ය වෙත අදහස් දක්වමින් කොළඹ වාණිජ මණ්ඩලයේ සභාපති ආචාර්ය අමිල කංකානම්ගේ ප්‍රකාශ කරයි.
මෙහිදී වැඩිදුරටත් අදහස් දැක්වූ ආචාර්ය කංකානම්ගේ ………
” අපේ ඇගලුම් විශාල ප්‍රමාණයක් මිලදී ගන්නේ යුරෝපය බව ඇත්ත. නමුත් යුරෝපයේ සිදුවන දේශපාලන ආර්ථික කාරණා අනුව අපේ ජාතික ආර්ථිකයේ ආකෘතිය නිරිමාණය විය යුතු නැහැ. ඇඟලුම් කියන දේ මූලික මිනිස් අවශ්‍යතාවයක්. අනික ලෝකයේ බොහෝ රටවල් ඇඟලුම් මිලදී ගන්නවා. ඒ වගේම නිෂ්පාදනය කරනවා. ඒත් හොඳ ප්‍රමිතියක් පවත්වාගෙන යන්න පුළුවන්නම් අපේ නිෂ්පාදනවලට හිමි තැන කවදාවත් නැතිවෙන්නේ නැහැ.”
සිසිර යාපා