බුද්ධි තොරතුරු හුවමාරුවට ශ්‍රී ලංකාවයි – මැලේසියාවයි ලෑස්තියි.
මැලේසියාව හා ශ්‍රී ලංකාව අතර බුද්ධි අංශ තොරතුරු හුවමාරු කර ගැනීම පිළිබඳව දෙරටේ අවධානය යොමුව තිබේ. අග්‍රමාත්‍ය රනිල් වික්‍රමසිංහ හා මැලේසියානු අග්‍රාමත්‍ය නජිබ් අබ්දුල් රසාක් අතර ඉන්දුනීසියාවේ දී පැවැති ද්විපාර්ශ්වීය සාකච්ඡාවේදී මේ පිළිබඳව කරුණු හුවමාරු කරගෙන තිබේ.
සාකච්ඡාවේදී දෙරටේ පොලිස් දෙපාර්ත‍ෙම්න්තු අතර සහයෝගිතා ගිවිසුමකට එලැඹීම පිළිබඳව ද අවධානය යොමු කර තිබේ.
නොවැම්බර් 17 දා සිට 19 දා දක්වා කොළඹදී පැවැත්වෙන දකුණු සහ අග්නිදිග ආසියාවේ බහුවිධ හා ප්‍රජාතාන්ත්‍රික සමාජයන්හි ආගමික කාර්ය භාරය යන ජාත්‍යන්තර සමුළුවට සහභාගි වන ලෙස මැලේසියානු අග්‍රාමාත්‍යවරයාට ආරාධනා කිරීමටද අග්‍රාමාත්‍යවරයා කටයුතු කරනු ලැබීය.