මයිලෝ ජනාධිපති කුසලාන රගර් රාජකීය පරදා ඉසිපතනය දිනයි.
දේශීය පාසල් රගර් පිටියේ විශිෂ්ටතම තරගයක් දැක බලා ගැනීමේ අවස්ථාව ක්‍රීඩාලෝලීන්ට අත්කරදෙමින් පෙරේදා පස්වරුවේ කොළඹ තුරඟ තරග පිටියේ පැවැති අන්තර් පාසල් අවුරුදු 20න් පහළ මයිලෝ ජනාධිපති කුසලාන පිළිමලුන් පිටුදැකීමේ අවසන් මහා තරගයෙන් නිකිල ගුණධීරගේ නායකත්වයෙන් තරග කළ රාජකීය විදුහල් පිලට එරෙහිව කුෂාන් ඉඳුනිල්ගේ නායකත්වයෙන් යුතු ඉසිපතන විදුහල් කණ්ඩායම ලකුණු 47-12ක දැවැන්ත ජයක් වාර්තා කළේය.
ජයග්‍රාහී ඉසිපතන විදුහල් පිලේ පුහුණුකරු ලෙස කටයුතු කළේ ප්‍රවීණ පුහුණුකරුවකු වන නිල්ෆර් ඉබ්‍රාහිම් ය. සිය කණ්ඩායමේ ජයග්‍රහහණය පිළිබඳව මාධ්‍ය වෙත අදහස් දක්වමින් ඔහු කියා සිටියේ රාජකීය විදුහල් පිල සමග තරගයේ දී වෙනස් ආකාරයේ තරග සැලසුමක් තමන් ක්‍රියාත්මක කළ බවයි.