මරණ 53ක්.
ඩෙංගු රෝගය වැළඳිමෙන් වසරේ මේ දක්වා මියගිය සංඛ්‍යාව 53 දක්වා ඉහළ ගොස් තිබේ.
සෞඛ්‍ය අමාත්‍යංශය පවසන අන්දමට මේ වසරේ ගතවු කාලය පුරා දිවයිනේ ඩෙංගු රෝගීන් 26,000 කට ආසන්න සංඛ්‍යාවක් වාර්තා වී ඇති බව ය.
ජාතික ඩෙංගු මර්දන ඒකකයේ ප්‍රජා වෛද්‍ය විශේෂඥ ප්‍රශිලා සමරවීර පැවසුවේ මහජනතාව නොසැලකිලිමත් ලෙස තම පරිශ්‍ර පවත්වාගෙන යාම ඩෙංගු ව්‍යාප්තියට හේතුවී ඇති බව ය.
මේ අතර ශිඝ්‍රයෙන් ව්‍යාප්ත වන ඩෙංගු රෝගය පාලනය සඳහා දීප ව්‍යාප්ත මදුරු මර්දන සතියක් මේ වනවිට ක්‍රියාත්මකයි.