මහින්ද රනිල්ගෙන් ටයර ඉල්ලයි.
ශී‍්‍ර ලංකා නිදහස් පක්ෂයේ මහින්ද රාජපක්ෂ හිතවාදී කණ්ඩායම, ජනපති සිරිසේන වෙත කරණු ලබන විවෙචන රළුය.නමුත් මහින්ද, බැසිල්, යන ඔහුගේ සොහොයුරන් දෙදෙනාම රජයේ එක්සත් ජාතික පාර්ශවය හා සබදතා පවත්වාගෙන යනබව කවුරුත් දන්නා රහසකි.මේ අතර දේශපාලන පිටිය තුල තවත් කතාවක් පැතිර යමින් තිබේ, ඒ අගමැති වික‍්‍රමසිංහ, සහ මහින්ද රාජපක්ෂ සමග පෞද්ගලික මට්ටමෙන් සබදතා පවත්වාගෙන යෑම පිළිබදවය. මේ සම්බන්ධයෙන් පැහැදිලි කිරීමක් සිදුකළ අගමැතිවරයා කියා සිටියේ හිටපු ජනපතිවරයකුට ගරු කිරීමක් ලෙස, තමන්ට රාජපක්ෂගේ ඇමතුම් වලට පිළිතුරු දීමට හා ඔහුගේ ඉල්ලීම් වලට සවන් දීමට සිදුවන බවය.මෑතක දී අගමැති වික‍්‍රමසිංහව ඇමතූ ජනපති සිරිසේන, මහින්ද රාජපක්ෂ, ජනපති වන තමාට යොමුකළ යුතු ඉල්ලීම්, ඔහු වෙත, එනම් අගමැතිවරයා වෙත, යොමුකරන්නේ මන්දැයි ගරුසරු ඇතිව විමසා සිටියේය.මෙසේ විමසා සිටීමට හේතුව වූයේ විදෙස් සංචාර වල යෙදෙන විට ආරක්ෂක කණ්ඩායමක් ලබාදෙන ලෙසත්, තම නිල රථයට නව ටයර හතරක් ලබාදෙන ලෙසත්, හිටපු ජනපතිවරයා අගමැති වික‍්‍රමසිංහගෙන් කර තිබූ ඉල්ලීමක් පිළිබදවය.