මහින්ද සතුටින් බාර ගනී
ශ්‍රී ලංකා නිදහස් පක්ෂයේ 65 වැනි සංවත්සරයට සහභාගී වන ලෙස පක්ෂයේ අනුශාසකවරයෙකු වන මහින්ද රාජපක්ෂ ට අඟහරුවාදා රාත්‍රියේ ඇරයුම් කර ඇත .
පක්ෂයේ ජ්‍යෙෂ්ඨ උපසභාපති කම්කරු අමාත්‍ය ජෝන් සෙනවිරත්න මිරිහානේ නිවසට ගොස් ආරාධනා පත්‍රය බාර දි තිබේ.
කුරුණෑගල දී සැප්තැම්බර් 4 වැනි දා පැවැත්වෙන සමුළුවට සහභාගී වීමට බලාපොරොත්තු වන බව රාජපක්ෂ එහි දී ප්‍රකාශ කර තිබේ.
ඔහු ඇරයුම සතුටින් බාරගත් බව ද අමාත්‍යවරයා ප්‍රකාශ කළේ ය.
පක්ෂයේ අනුශාසකවරුනක් වන චන්ද්‍රිකා බණ්ඩාරනායක කුමාරතුංග හා මහින්ද රාජපක්ෂ පක්ෂ නායක දෙපසින් අසුන් පැනවෙති යි දැනගන්නට තිබේ.