මෙරට ප‍්‍රමුඛතම අපනයනකරුවා බ‍්‍රැන්ඩික්ස්.
ශ්රී ලංකා අපනයන සංවර්ධන මණ්ඩලය EDB විසින් සංවිධානය කළ අති උත්කර්ශවත් ලෙසින් පැවැත්වුණු ජනාධිපති අපනයන සම්මාන උළෙලේදී ඉහළම බුහුමනට පාත‍්‍ර වෙමින් 2014 සහ 2015 සඳහා ‘වසරේ අපනයනකරු’ සම්මාන දෙක ඇතුළු සුවිශේෂී සම්මාන 11 ක් දිනාගැනීමට බ‍්‍රැන්ඩික්ස් සමූහය සමත්විය.බණ්ඩාරනායක අනුස්මරණ ජාත්‍යන්තර සම්මන්ත‍්‍රණ ශාලාවේ පැවති මෙම සම්මාන ප‍්‍රදානෝත්සවයේදී ජනාධිපති මෛත‍්‍රීපාල සිරිසේන විසින් බ‍්‍රැන්ඩික්ස් සමූහය වෙත සම්මාන ප‍්‍රදානය කරන ලදී. මෙහිදී, සමස්තයක් ලෙස මෙරට විශාලතම අපනයනකරුවා, 2014 සහ 2015 වසර වලදී ශ්රී ලංකාවට වැඩිම ශුද්ධ විදේශ විනිමය උපයාදුන් අපනයන කරුවා, මෙම වසර දෙකේදීම ඇඟලූම් ක්ෂේත‍්‍රයේ වැඩිම විදේශ විනිමය උපයාදුන් අපනයනකරුවා, 2014 සහ 2015 වසර වලදී අපනයන කර්මාන්ත ක්ෂේත‍්‍රයේ වැඩිම රැකියා ප‍්‍රමාණයක් උත්පාදනය කළ අපනයනකරුවා, පසුගිය වසරේදී ඇඟලූම් ක්ෂේත‍්‍රයේ වැඩිම අගය එකතු කිරීමක් කළ අපනයනකරුවා වෙමින් ශ්රී ලංකාවේ ජාතික ආර්ථිකයට බ‍්‍රැන්ඩික්ස් විසින් කළ අමිල මෙහෙවර මෙම සම්මාන ප‍්‍රදානෝත්සවයේදී ඇගයීමට ලක්විය.