සයිටම් ගැන ජනපති විශේෂ සාකච්ඡාවක.
සයිටම් ආයතනය සම්බන්ධයෙන් විශේෂ සාකච්ඡාවක් ජනාධිපති මෛත්‍රීපාල සිරිසේනගේ ප්‍රධානත්වයෙන් පවත්වා තිබේ.
ඊයේ (15) රාත්‍රියේ ජනාධිපති නිළ නිවසේදී මෙම සාකච්ඡාව පවත්වා ඇති බව වාර්තා වෙයි.
සාකච්ඡාව සඳහා රජයේ වෛද්‍ය නිළධාරීන්ගේ සංගමය, විශ්වවිද්‍යාල ආචාර්යවරුන්, පීඨාධිපතිවරුන්, උසස් අධ්‍යාපන අමාත්‍යවරයා, වෛද්‍ය සභාවේ නිළධාරීන්, සෞඛ්‍ය අමාත්‍යාංශයේ නිළධාරීන් මෙන්ම සයිටම් ආයතනයේ පාලනාධිකාරියද සහභාගි වී ඇත.
මාලබේ සයිටම් ආයතනය පිළිබඳව උද්ගත වී ඇති තත්ත්වය සම්බන්ධයෙන් මෙහිදී දීර්ඝ වශයෙන් සාකච්ඡා වී ඇති බව සදහන්ය.