සාමාන්‍ය අයටත් ගෙවන වාට්ටු.
රිමාන්ඩ් භාරයට පත් ප්‍රභූ පැලැන්තියට සීමා වී ඇති ගෙවන වාට්ටු සාමාන්‍ය සැකකරුවන්ටත් ලබා දීමේ විශේෂ අරමුදලක් ස්ථාපිත කිරීම යුක්ති සහගත යැයි තමා යෝජනා කරන බව ජනාධිපති මෛත්‍රීපාල සිරිසේන ප්‍රකාශ කළේය.
වරප්‍රසාදලත් අයට පමණක් සිරගෙදරින් ගෙවන වාට්ටුවක් වෙන්වීම පිළිබඳ සමාජ කතිකාවක් ගොඩනැ‍ඟී ඇති බව ද එහෙයින් වරදකරුවකු වන තෙක් සැමට සමාන වරප්‍රසාද ලබා දීමට රටේ රාජ්‍ය නායකයා ලෙස බැඳී සිටින බව ද ජනාධිපතිවරයා අනාවරණය කළේ ය.
ජනාධිපතිවරයා මෙසේ සඳහන් කළේ බණ්ඩාරනායක අනුස්මරණ සම්මන්ත්‍රණ ශාලාවේ දී ආරම්භ කෙරුණූ 2016 ආසියාතික නීති සමුළුවේ සමාරම්භක උළෙලට එක්වෙමිනි.
නීතිය සම්බන්ධයෙන් ද මේ සම්මතයේ වෙනසක් නොමැති බවත් එය උස් පහත් මට්ටම් සහ සමාජ මට්ටම් අනුව වෙන් නොවිය යුතු බවත් ජනාධිපතිවරයා අවධාරණය කළේය.