යාපනය අර්ධද්වීපයේ අවතැන් කඳවුරුවල රැඳී සිටින සියලු දෙනා 2017 වසරේ ජුනි මාසය වන විට යළි ඔවුන්ගේ මුල් ගම් බිම්වල පදිංචි කිරීමට බලාපොරොත්තු වන බව යුද හමුදාව ප්රකාශ කරයි.
යාපනය ප්රදේශය භාර ආඥාපති මේජර් ජෙනරාල් මහේ්ෂ් සේනානායක සඳහන් කළේ මේ වන විට යාපනය අර්ධද්වීපය තුළ අවතැන් කඳවුරු 31 ක් පමණක් පවතින බවය.
ඒවායේ පවුල් 971කට අයත් පුද්ගලයින් 3388 දෙනෙකු වාසය කරනු ලැබේ.
ඔහු මෙම අදහස් පළ කළේ කීරමලේ ප්රදේශයේ යුද හමුදාව විසින් ඉදිකරන නිවාස ව්යාපෘතියක ප්රගතිය පිළිබඳ යාපනයේදී මාධ්යවේදීන් දැනුවත් කිරීමේ අවස්ථාවකට එක්වෙමින්.
කෙසේ වෙතත් යාපනය ප්රදේශයේ පවතින සිවිල් අපරාධ රැල්ල ක්රමයෙන් වර්ධනය වීම කණගාටුදායක බවද ආඥාපතිවරයා මෙහිදී වැඩිදුරටත් ප්රකාශ කළේය.