ශ්රී ලංකා ක්රිකට් කණ්ඩායම ශ්රී ලංකාවට ගෞරවයක් ලබාදුන් බව අග්රමාත්ය රනිල් වික්රසිංහ ප්රකාශ කළේය.
අග්රමාත්යවරයා මේ බව කියා සිටියේ අරලියගහ මන්දිරයේදී ශ්රී ලංකා ක්රිකට් කණ්ඩායම ඇතුළු ක්රිකට් ක්රීඩකයින් හමුවූ අවස්ථාවේදී ය.
එහිදී වැඩිදුරටත් අදහස් දැක්වූ අග්රමාත්ය රනිල් වික්රසිංහයන්
ඔවුන් අපට දිනන්නට බැරි නොහැකි අවස්ථාවේදී ජයග්රහණය කර පෙන්නුවා.
එම ක්රිකට් කණ්ඩායම අරලියගහ මන්දිරයට කැදවූයේ ඒ සඳහා අපේ ප්රසංශාව ලබාදීම සඳහායි.
ඔවුන් සියලූ දෙනාටම අපගේ ගෞරවනීය ස්තුතිය ප්රකාශ කළ යුතුයි.
2019 වසරේ ලෝක කුසලාන තරගාවලිය ජයග්රහණය කිරීම අපේ ඉලක්කයයි.
ජයග්රහණය මෙන්ම පරාජයත්, භාර ගැනීමට අපට ශක්තිය තිබෙනවා. ජය මෙන්ම පරාජයෙන් ද අප අවසාන වශයෙන් ඉගෙන ගත යුත්තේ ජයග්රහණය ලබා ගන්නා ආකාරය පිළිබඳවයි.
අපේ අවසන් ඉලක්කය ජයග්රහණයයි.
අප අද මේ කටයුත්ත කරන්නේ 2019 වසරට සුභ ප්රාර්ථනා කිරීමේ ආරම්භයක් ලෙසයි.
ශ්රී ලංකා ජාතික ක්රිකට් කණ්ඩායම මෙන්ම අනාගත ජාතික ක්රිකට් කණ්ඩායමත් අද මෙහි පැමිණ සිටිනවා.
අනාගත ජාතික ක්රිකට් කණ්ඩායම බිහිවන්නේ මෙම තරුණයින්ගෙනුයි.
එම අනාගත ක්රිකට් ක්රීඩකයන්ට කරන දිරිගැන්වීමක් ලෙස ජාතික ක්රිකට් කණ්ඩායම මෙන්ම අනාගත ක්රිකට් කණ්ඩායම නියෝජනය කිරීමට සිටින ක්රීඩකයින් අද මෙහි කැදවනු ලැබුවා. යනුවෙනි.