ක්‍ෂුද්‍ර මූල්‍ය ආයතන ජීවිත බිලි ගනී.
උතුරේ වැසියන්ට මූල්‍ය සමාගම් විසින් අධික පොලියට සුළු පරිමාණ ණය ලබා දීම නිසා ජනතාව ණය බරින් මිරිකී සිටින බව වාර්ථා වේ .මෙහි ආසන්නම සිදුවීම වාර්ථා වන්නේ ඕමන්තේ ප්‍රදේශයෙනි ඒ විසිහය හැවිරිදි කාන්තාවක් සිය ණය මුදල ගෙවාගැනීමට නොහැකිව වයස අවුරුදු දෙකහමාරක සිය දරුවා සමග ළිඳකට පැන දිවි හානි කරගැනීමේ සිද්ධියකිනි.මෙවැනි සිදුවීම් නිරන්තරයෙන් උතුරු ප්‍රදේශයෙන් වර්ථාවීම කනගාටුදායක තත්වයකි.
ණය වාරික ගෙවාගැනීමට නොහැකිව මිනිසුන් සියදිවි හානිකර ගන්නා තත්වයකට පත්කිරීම මුල්‍ය ආයතනවල ක්‍රියාවන් හේතු වී ඇත. මෙම ක්‍ෂුද්‍ර මූල්‍ය ආයතන පිලිබදව අධිෂණයක් හෝ සොයා බැලීමක් සිදු කිරීමට වගකිවයුතු කිසිම ආයතනයක් කටයුතු නොකිරීම කණගාටු දායක තත්වයකි.
දිවි හානි කරගත් නාගනාදන් සුගන්දිනී නැමති කාන්තාවගේ ස්වාමිපුරුෂයා පොලිසියට පවසා තිබුණේ එක්තරා මූල්‍ය සමාගමක් තම නිවසටම පැමිණ රුපියල් 25000ක ණය මුදලක් බිරිඳට ලබාදුන් බවයි.එහි ණය වාරිකය ගෙවාගැනීමට නොහැකිව ඇය දුකසේ කල් ගෙවූ බවද ඔහු පොලිසියට පවසා තිබේ.