එකම ස්ථානයේදී ,ඊයේ හවස බයිසිකල්කරු මරුට. අද දුම්රියේ කාර් රථයක් ගැටේ.
මාතර සිට මරදාන දක්වා ගමන් කරන අංක 51 දරණ දුම්රියේ, අද සවස 3.55ට පමණ නාරිගම ප්‍රදේශයේදී කාර් රථයක් ගැටී අනතුරක් සිදුවී ඇත. කාර් රථය තරුණියක් විසින් පදවාගෙන පැමිණ ඇති අතර තුවාල ලැබූ තරුණිය රෝහල් ගතකර ඇත.
එම ස්ථානයේ සේවයේ නියුතු උණබට ගේට්ටු මුරකරු දුම්රිය දෙපාර්තමේන්තුව විසින් වැටුප් නොගෙවීම නිසා සේවයෙන් ඉවත් වී ඇත. තවද පසුගිය සතියේ මෙම ස්ථානයේ වෑන් රථයක් අනතුරට පත් වූ බවත් ඊයේ සවස තවත් යතුරු පැදියක් අනතුරට පත් වීම නිසා එක් අයෙකු මියගොස් ඇති බවත් වාර්ථා වේ.