අලුත් නීතීයක් එයි. සළකුණු කර පෙන්විය යුතුයි.
මෙවර පළාත් පාලන මැතිවරණයේදී ඡන්දය ප්‍රකාශ කළායින් පසු ඡන්ද පත්‍රිකාව ඡන්ද පෙට්ටියට දැමීමට පෙර, ඒ ඒ ඡන්ද පොළ වෙත ලබාදී ඇති විශේෂ සලකුණක් ඊට එක් කිරීමට තීරණය කර ඇති බව මැතිවරණ කොමිසමේ සභාපති මහින්ද දේශප්‍රිය පවසයි.
ඡන්දය සළකුණු කිරීමෙන් පසු එය ඡන්ද පොළ ස්ථානභාර නිලධාරියාට පැහැදිලිව පෙන්වා ඡන්ද පෙට්ටියට තම පත්‍රිකාව දැමීමට ඡන්ද දායකයාට සිදුවන බවද මහින්ද දේශප්‍රිය පැවසීය. මේ සලකුණු බොහෝවිට ග්‍රීක අකුරු හෝ ඉලක්කම්වලින් යුක්ත වනු ඇතැයි කී සභාපතිවරයා, ඉන් මේ ඡන්ද පත්‍රිකාව ඒ ඡන්ද කොට්ඨාසයේම එකක් බවට සහතිකවීම සිදුවන බවද පැවසීය.