අගමැති ධුරය මහින්ද රාජපක්ෂට ලබාදීමේ තීරණයට විරෝධය පළකරමින් අධිකරණයට යා හැකි වුවද, එක්සත් ජාතික පක්ෂ නායක රනිල් වික්රමසිංහ මේ දක්වා එවැනි පියවරක් නොගැනීම ගැටලුවක් බව ප්රජාතන්ත්රවාදී වාමාංශික පෙරමුණේ නායක පාර්ලිමේන්තු මන්ත්රී වාසුදේව නානායක්කාර පවසා තිබේ.
ප්රකෝපකාරී සිදුවීම් ඇතිකර රාජ්ය අංශය කඩාදැමීමට එක්සත් ජාතික පක්ෂ අභ්යන්තරයේ රහසිගත වැඩපිළිවෙළක් සිදුවන බවට තොරතුරු ලැබී ඇතැයිද පාර්ලිමේන්තුව තීරණයක් ගන්නාතුරු ජනාධිපතිවරයා විසින් මේ වන විට ගෙන තිබෙන සියලු තීරණ වලංගු බවද මන්ත්රීවරයා සඳහන් කර ඇත.
පාර්ලිමේන්තුව කැඳවීම සම්බන්ධව තමන් විරුද්ධ නොමැති බවත්, විධායකයේ වගකීම් පැත්තකට දමා පාර්ලිමේන්තුව කැඳවිය නොහැකි බවත් ඔහු වැඩිදුරටත් ප්රකාශ කර ඇත.