නඩු ප්‍රමාදයන් වැළැක්වීම සඳහා යොජනාවලියක්.
පසුගියදා පැවති උත්සවයකට සහභාගි වෙමින් විදුලිබල හා පුනර්ජනනීය බලශක්ති නියෝජ්‍ය අමාත්‍ය අජිත්.පී.පෙරේරා සදහන් කලේ, නඩු ප්‍රමාදයන් වැළැක්වීම සඳහා දූෂණ විරෝධි හා මාධ්‍ය කටයුතු පිළිබඳ ආංශික කාරක සභාවේ යෝජනාවලියක් ඉදිරිපත් කර තිබේන බවයි.
යුක්තිය පසිඳලීමේ දී අධිකරණය විසින් අනුගමනය කල යුතු ක්‍රියාමාර්ග පිළිබඳ විවිධ සංවාද ගොඩනැඟී ඇති නිසා අදාළ යෝජනාවලිය මාස 6ක් තුළ ක්‍රියාත්මක කර අවසන් කිරීමේ අවශ්‍යතාවය නියෝජ්‍ය අමාත්‍යවරයා සදහන්කර ඇත.
මේ සදහා නීතිපතිවරයා, අල්ලස් හා දූෂණ කොමිසම් සභාවේ අධ්‍යක්ෂ ජෙනරාල් තුමා අධිකරණ අමාත්‍යාංශ ලේකම්වරයා මෙන්ම නීතිඥ සංගමය ඇතුළු සාක්ෂිකරුවන් හා වාර්තාවන් කැඳවීමෙන් පසුව අධිකරණයේ පවතින ප්‍රමාදයන් පිළිබඳ විදිමත් කරුණු සළකා බැලීමක් සිදු කළ බව ද නියෝජ්‍ය අමාත්‍යවරයා වැඩිදුරටත් ප්‍රකාශකල බව සදහන්ය.