ශ‍්‍රීලනිපයෙන් 94%ක් පොහොට්ටුවට ඇවිල්ලා.
ශ‍්‍රී ලංකා නිදහස් පක්ෂය නියෝජනය කළ හිටපු පළාත් පාලන නියෝජිතයන් ඉතා විශාල බහුතරයක් එළැඹෙන පළාත් පාලන මැතිවරණය සදහා ශ‍්‍රී ලංකා පොදුජන පෙරමුණෙන් නාමයෝජනා අයදුම් කර ඇත. නගරාධිපතිවරුන්, උප නගරාධිපතිවරුන්, ප‍්‍රාදේශීය සභාපතිවරුන් සහ උප සභාපතිවරුන්ගෙන් බහුතරයක් ඒ අතර සිටින බව වාර්ථා වේ.
දිවයිනේ සමස්ත පළාත් පාලන ආයතන ප‍්‍රමාණය 334 කි. එම ආයතන සදහා ශ‍්‍රී ලංකා නිදහස් පක්ෂය ප‍්‍රමුඛ එක්සත් ජනතා නිදහස් සංධානය නියෝජනය කරමින් මන්ත‍්‍රීවරු 2332 දෙනෙකු පසුගිය නිල කාලය සදහා තේරීපත් වී තිබුණි. ඒ අතරින් 2167 දෙනෙකු පමණ මේ වනවිට ශ‍්‍රී ලංකා පොදුජන පෙරමුණ වෙත සිය අපේක්ෂක අයදුම් පත් බාර දී ඇත. එම සංඛ්‍යාව ශ‍්‍රී ලංකා නිදහස් පක්ෂය ප‍්‍රමුඛ එක්සත් ජනතා නිදහස් සංධානය නියෝජනය කළ මන්ත‍්‍රීවරුන්ගෙන් 94% ඉක්මවූ ප‍්‍රතිශතයකි.