මහරගම නගර සභාවට අධිකරණ ක්‍රියාමාර්ග?
මහරගම නගර සභාව ජයග්‍රහණය කළ ස්වාධීන කණ්ඩායමේ අපේක්ෂකයින් එම බල ප්‍රදේශය තුළ පදිංචිකරුවන් නොවන තත්ත්වය පිළිබඳව අධිකරණමය ක්‍රියාමාර්ගයක් ගැනීමේ හැකියාව පවතින බව පළාත් සභා සහ පළාත් පාලන අමාත්‍යාංශය පවසා ඇතැයි සඳහන් වේ.
මහරගම නගර සභාව මෙවර ජය ගනු ලැබුවේ, ස්වාධීන කණ්ඩායමක් විසින් වන අතර, නාම යෝජනා භාර දෙන අවස්ථාවේ පොදුජන පෙරමුණේ නාම යෝජනා ප්‍රතික්ෂේප වීම නිසා ඔවුන්ගේ සහාය මෙම ස්වාධීන කණ්ඩායමට හිමි විය. එහෙත් මේ ජයග්‍රාහකයින්ගෙන් දෙදෙනෙකු හැර සෙසු සියලු දෙනා වෙනත් ප්‍රදේශවල පදිංචිකරුවන් වන බව වැඩිදුරටත් සඳහන් වේ.