A/L හා ශිෂ්‍යත්වයට කළින් ඩෙංගු මර්ධන වැඩසටහනක්.
මෙවර උසස් පෙළ විභාගය අගෝස්තු 08 සිට සැප්තැම්බර් 02 දක්වා පැවැත්වෙන අතර ශිෂ්‍යත්ව විභාගය අගෝස්තු 20 දින පවත්වනු ලැබේ.
මෙ දිනවල ඩෙංගු ව්‍යාප්ත වීමේ අවධානමක් පවතින බැවින් විභාගයට පෙනී සිටින දරුවන්ගේ ආරක්‍ෂාව උදෙසා උසස්පෙළ හා ශිෂ්‍යත්ව විභාගයන් ආරම්භයට පෙර හා විභාගය පැවැත්වෙන කාල සීමාව තුළ විභාගයට බාධා නොවන සේ, විභාගය නොපැවැත්වෙන දිනවල විභාග මධ්‍යස්ථාන පිහිටුවා ඇති පාසල්වල ඩෙංගු මර්ධන ධූමායනය සිදුකරන ලෙස අදාළ සියළුම ආයතන හා පුද්ගලයින් මේ වන විට දැනුවත් කර ඇති බව විභාග දෙපාර්තමේන්තුව නිවේදනය කර සිටී.
එසේම විභාග පැවැත්වෙන වේලාවන් තුළදී සිසුන් ඩෙංගු මදුරු දෂ්ඨනයෙන් ආරක්‍ෂා කර ගැනීම සඳහා මදුරු විකර්ෂණ ආලේපන භාවිතා කිරීමට අවධානය යොමු කරන ලෙසද විභාග දෙපාර්තමේන්තුව කියා සිටී.