අට වතාවක් එවරස්ට් තරණය කළ පළමු කාන්තාව ඉතිහාසයට එක්ව ඇත.
එම ලෝක වාර්තාව තබන ලද්දේ හතළිස් හතර වියේ පසුවන ලඛ්පා ෂාර්පා (Lhakpa Sherpa) නම් කාන්තාව විසිනි.
නේපාලයේ උපත ලද ලඛ්පා ෂාර්පා දැන් ඇමෙරිකා එක්සත් ජනපදයේ ජීවත්වන්නීය.නේපාලයේ වේලාවෙන් අද (මැයි 13) උදෑසන තම සහෝදරිය එවරස්ට් කඳුමුදුනට ලඟා වූ බව ඇයගේ සහෝදරයකු විසින් සහතික කරනු ලැබුණි.
ගුවන් විදුලි සන්නිවේදනය මගින් ඔහු සිය සහෝදරිය සමඟ අදහස් හුවමාරු කරගනු ලැබ ඇත.
මේ අතර අද (13)සය දෙනකුගෙන් සමන්විත ඉන්දියානු කණ්ඩායමක් ද එවරස්ට් මුදුනට ලඟා වූහ.
එවරස්ට් තරණය සඳහා සඳහා නේපාල දොරටුවේ තවත් කඳු නගින්නන් හත්සිය පනහක් පමණ රැඳී සිටින අතර තවත් තුන්සීයක් පමණ ටිබෙට් දොරටුවේ සිටින බවත් වාර්තා වෙයි.