Everjobs ශ‍්‍රී ලංකා ගමට යයි.
ශ‍්‍රී ලංකාවේ ශීඝ‍්‍රයෙන් වර්ධනය වන අන්තර්ජාලය පාදක කරගත් රැකියා පියසක් වන everjobs ශ‍්‍රී ලංකා ආයතනය විසින් මෑතකදී දිවයිනේ කුඩා නගර හා ගම්වල පදිංචිකරුවන් වෙත වඩා වැඩි රැකියා අවස්ථා උදා කරනු වස් everjobs Town Day[TM] නමින් විශේෂ ප‍්‍රවර්ධන වැඩසටහනක් දියත් කරයි.
නවතම සංඛ්‍යාන දත්තවලින් හෙළිදරවු වන ආකාරයට තවමත් 400,000 කට ආසන්න ශ‍්‍රී ලාංකිකයන් පිරිසක් විරැකියාවෙන් පසු වන අතර ප‍්‍රතිශතයක් ලෙස එය මුලූ ශ‍්‍රම බලකායෙන් සියයට 4.3 කි. මේ අතරම, සේවා නියුක්තිකයන් අතර පවතින දැඩි අර්බුදයක් වන නිපුණතා හිගයද ශ‍්‍රී ලංකාවේ ආර්ථික වර්ධනය කෙරෙහි ඇති කරන්නේ අහිතකර බලපෑමකි. සේවා නියුක්තිකයන්ගෙන් 40% ක් ම ප‍්‍රකාශ කරන්නේ රැකියාවක් ලබා ගැනීම සදහා ඇති විශාලතම බාධාව වන්නේ නිසි අත්දැකීම් හා සුදුසුකම්වල අඩුවක් පැවතීම බවයි. everjobs ශ‍්‍රී ලංකා ආයතනය විසින් everjobs Town ප‍්‍රවර්ධන වැඩසටහන දියත් කරන ලද්දේ මෙවැනි ගැටළුවලට විසදුම් ලබා දීමට දායක වීමේ එක් පියවරක් වශයෙන් බව සමාගම පවසයි. everjobs.lk වෙබ් අඩවියෙහි ලියාපදිංචි වී තමාට වඩාත්ම උචිත රැකියාව සොයා ගන්නා ලෙස තරුණ තරුණියන් දිරිමත් කිරීම සදහා දිවයිනේ විවිධ ප‍්‍රදේශ වෙත ගමන් කිරීම everjobs කණ්ඩායම සිදුකරයි.
මේ පිළිබදව everjobs ශ්‍රි ලංකා ආයතනයේ කළමනාකාර අධ්‍යක්‍ෂ ෆීලික්ස් ලීනෝ ප‍්‍රකාශ කළේ ‘‘ශ‍්‍රී ලංකාවේ ප‍්‍රථම වතාවට මෙවැනි වැඩසටහනක් දියත් කරන්නට අපට හැකි වීම ගැන මට ඇත්තේ විශාල ආඩම්බරයක්. රැකියා සොයන්නන් වෙත කුසලතා සහ අත්දැකීම් වඩ වඩාත් තිළිණ කිරීමේ අපගේ වෑයම සැබෑ කර ගැනීම වෙනුවෙන්ද එයින් මහත් සේවයක් සැලසෙනවා. මෙම ප‍්‍රවර්ධන වැඩසටහනේ අරමුණ වන්නේ දහස් ගණනක් වන රැකියා සොයන්නන්ගේ රැකියා සිහින සැබෑ කර ගැනීමට අවශ්‍ය දිරිමත් කිරීම ලබා දීමයි. අපට ඔවුන්ගේ සිහින සැබෑවන් කිරීමට හැකියාව ඇති බව මා දැඩිව විශ්වාස කරනවා.
මේ පිළිබදව everjobs ශ්‍රි ලංකා ආයතනයේ කළමනාකාර අධ්‍යක්‍ෂ ෆීලික්ස් ලීනෝ ප‍්‍රකාශ කළේ ‘‘ශ‍්‍රී ලංකාවේ ප‍්‍රථම වතාවට මෙවැනි වැඩසටහනක් දියත් කරන්නට අපට හැකි වීම ගැන මට ඇත්තේ විශාල ආඩම්බරයක්. රැකියා සොයන්නන් වෙත කුසලතා සහ අත්දැකීම් වඩ වඩාත් තිළිණ කිරීමේ අපගේ වෑයම සැබෑ කර ගැනීම වෙනුවෙන්ද එයින් මහත් සේවයක් සැලසෙනවා. මෙම ප‍්‍රවර්ධන වැඩසටහනේ අරමුණ වන්නේ දහස් ගණනක් වන රැකියා සොයන්නන්ගේ රැකියා සිහින සැබෑ කර ගැනීමට අවශ්‍ය දිරිමත් කිරීම ලබා දීමයි. අපට ඔවුන්ගේ සිහින සැබෑවන් කිරීමට හැකියාව ඇති බව මා දැඩිව විශ්වාස කරනවා.