සෑම දේශපාලඥයෙක්ම වගකීමෙන් හැසිරිය යුතුයි. අමාත්‍ය ෆීල්ඩ් මාෂල් සරත් ෆොන්සේකා.
සෑම දේශපාලඥයෙකුම තමන් විසින් සිදු කරනු ලබන ප්‍රකාශ වගකීමෙන් සිදු කළ යුතු බව ප්‍රාදේශීය සංවර්ධන අමාත්‍ය ෆීල්ඩ් මාෂල් සරත් ෆොන්සේකා පවසයි. අමාත්‍යවරයාගේ පාක්ෂිකයන් පිරිසක් විසින් මෙම පිළිගැනීම කිරිබත්ගොඩ නගර මධ්‍යෙය් සංවිධානය කර තිබුනි.
අතීතයේ වෙනසක් නැතුව වරදක් කළ විට හමුදා නිලධාරීන්ට දඩුවම් ලබා දුන් බවත් එනිසා රජයක් ලෙස ජනතාවගේ පැත්තේ සිට නිල ඇඳුමක් දරා සිටිය ද යම් වැරුද්දක් කර ඇත්නම් එයට දඩුවම් ලබා දිය යුතු බවත් පැවසූ අමාත්‍යවරයා එනිසා රාජ්‍ය නායකයින් හා දේශපාලඥයින් තම ප්‍රකාශයන් පිළිබඳ වගකීමෙන් හැසිරිය යුතු බව ද අවධාරණය කර සිටියේය.
දේශද්‍රෝහියෙකු ලෙස අද තමාට චෝදනා කරන අය යුද සමයේ දී අනුරාධපුර පොළොන්නරුව ප්‍රදේශයෙන් එහාට හෝ යෑමට බිය වු පිරිසක් බවද ෆීල්ඩ් මාෂල්වරයා තවදුරටත් පවසා ඇත.