ගංවතුර උවදුරෙන් ආපදාවට ලක් වූ දකුණු පළාතේ ප්රාදේශීය මාධ්යවේදීන් සඳහා දකුණු පළාත් ප්රවෘත්ති අමාත්ය චන්දිමා රාසපුත්ර විසින් රු.10,000ක චෙක් පතක් ගාල්ල දක්ෂිණපායේදී ලබා දෙන ලදි.
දකුණු පළාත තුළ හඳුනාගත් ආපදාවට ලක් වූ මාධ්යවේදීන් 25 දෙනෙක් සඳහා මෙම මුදල් ලබා දුන් අතර ඒ සඳහා රුපියල් දෙලක්ෂ පනස්දාහක මුදලක් වැය වී ඇත.
තමන් වැඩ කරන මාධ්ය ආයතන පවා මාධ්යවේදීන් ගැන නොසලකන යුගයක දකුණු පළාත් ප්රවෘත්ති අමාත්යවරයා ඇතුළු නිලධාරීන් තමන්ට කළ මෙම පරිත්යාගය මාධ්යවේදීන්ගේ මහත් ප්රසංසාවට ලක් විය.
මේ අවස්ථාවට දකුණු පළාත් සභා මන්ත්රි බද්දේගම සමිත හිමියන් සහ දකුණු පළාත් සභා මන්ත්රි ආරියවංශ සම්මු හා දකුණු පළාත් සභා මන්ත්රි නලීන් හේවගේ යන අයද සහභාගි විය.