විනීත රියදුරන්ට පොලීසියේන් තෑගි.
ඉදිරියේදී මාර්ග නීති උල්ලංඝනය කිරීම් අවම කිරීමේ අරමුණින් ශ්‍රී ලංකා පොලිසිය විසින් විනීතව රිය පදවන රියදුරන් අයඹු ලෙස තෝරාගෙන ඔවුන් සඳහා නොමිලේ වෛද්‍ය සේවාවන් හා ත්‍යාග මුදල් ලබා දීමේ වැඩසටහනක් ක්‍රියාත්මක කරන බව සදහන්ය.
පොලිස් මාධ්‍ය ඒකකය පවසනේ , මෙහි පළමු පියවර මහනුවර නගරයෙන් ආරම්භ කෙරුණු අතර එහිදී විනීතව රිය පදවන රියදුරන් 300 දෙනෙකුට නොමිලේ වාහන පරික්ෂාව සහ මුදල් වවුචර් පතක් ලබා දුන් බවයි.
කොළඹ නගරයේ ස්ථාන කිහිපයකත් රිය පැදවීම සම්බන්ධව පරික්ෂාවන් සිදුකරන අතර සිවිල් ඇඳුමින් සැරසුන පොලිස් නිලධාරීන් ද මේ සදහා යොදවා ඇත. තවද, පොදු මගී ප්‍රවාහන සේවාවන් තුළ ගමන් කරමින් විනීත රියදුරන් තෝරා ගැනීමට නියමිත බවද සදහන්ය.