සයිටම් ආයතනයට සම්බන්ධ රෝහල රජයට පවරා ගැනීම,ගැටළුවට උත්තර නොවේ.ආණ්ඩුව ජනතාව නොමග යවනවා.
සයිටම් ආයතනයට සම්බන්ධ රෝහල හෙට දින (17) රජයට පවරා ගන්නා බව පුවත්පත් හා විද්‍යුත් මාධ්‍ය මගින් ප‍්‍රචාරණය වූ සෞඛ්‍ය අමාත්‍යාංශය මගින් පළ කරන ලද දැන්වීම් හරහා දැන ගන්නට ලැබී ඇත. මේ මේ පිළිබඳ නිශ්චිත ගිවිසුම ආණ්ඩුව තවම ප‍්‍රකාශයට පත්කර නැත. නමුත් මෙම රෝහල රජයට පවරා ගැනීම සයිටම් පෞද්ගලික වෛද්‍ය උපාධි විකුණන ආයතනය සම්බන්ධ ගැටලූවට විසදුමක් ලෙස ආණ්ඩුව හා සමහර වෘත්තීය සමිති ඇතුලූ පාර්ශ්වයන් කරුණු ඉදිරිපත් කරමින් ජනතාව නොමඟ යැවීමට උත්සාහා කරන බව පෙනෙන්නට තිබෙන බවත් මෙම ආණ්ඩුවේ විසඳුම සයිටම් ආයතනයට එරෙහිව කටයුතු කරන කිසිම පාර්ශ්වයක් ඉල්ලූ විසදුමක් නොවන බව පෞද්ගලික වෛද්‍ය විද්‍යාල විරෝධී මධ්‍යස්ථානය සඳහන් කර සිටි.