Breaking News
Home > පුවත් > කොරියානු අර්බුදය හමුවේ ශ්‍රී ලංකාවේ සූදානම කෙසේද?

කොරියානු අර්බුදය හමුවේ ශ්‍රී ලංකාවේ සූදානම කෙසේද?

We'll do it together-North Korea

උතුරු කොරියාවේ න්‍යෂ්ටික අත්හදාබැලීම් මුල් කර ගනිමින් ඇමරිකාව සහ උතුරු කොරියාව වාග් සංග්‍රාමයක නිරතව සිටිති.

ඇමරිකානු බල ප්‍රදේශයක් වන ගුවාම් දූපත ආසන්නයට මිසයිල ප්‍රහාරයක් එල්ල කිරීමට පවතින සැලසුමක් පිළිබඳ උතුරු කොරියාව බ්‍රහස්පතින්දා (අගෝස්තු 10) නිවේදනයක් නිකුත් කිරීමත් සමග එරට සහ ඇමරිකාව අතර පවතින උණුසුම්කාරී වාතාවරණය තවත් උත්සන්න වී ඇත.

ගුවාම් දූපතට කිසියම් දෙයක් සිදු වුවහොත් “විශාල විපතක්” බලාපොරොත්තු විය හැකි බවට ඇමරිකානු ජනාධිපති ඩොනල්ඩ් ට්‍රම්ප් අනතුරු ඇඟවීය.

කෙසේ නමුත් සිය න්‍යෂ්ටික වැඩසටහන දිගටම කරගෙන යන බව උතුරු කොරියාව පවසයි.

මේ අතර නිල සංඛ්‍යා ලේඛනවලට අනුව උතුරු කොරියාවට අසල්වැසි දකුණු කොරියාව තුළ ශ්‍රී ලාංකිකයන් තිස් දහසකට ආසන්න සංඛ්‍යාවක් සේවයේ නිරතව සිටිති.

ඉහළ යමින් පවතින කලාපීය උණුසුම හමුවේ හදිසි තත්ත්වයක් ඇති වුවහොත් එහි සිටින ශ්‍රී ලාංකිකයන් ඉවත් කර ගැනීම සඳහා සැලසුම් සකස් කර ඇති බව දකුණු කොරියාවේ පිහිටි ශ්‍රී ලංකා තානාපති කාර්යාලය පවසයි.

මේ සම්බන්ධයෙන් අදහස් දක්වමින් දකුණු කොරියාවේ සිටින ශ්‍රී ලංකා තානාපතිවරිය මනීෂා ගුණතිලක කියා සිටියේ ලාංකිකයන් වැඩි වශයෙන් සේවය කරන ප්‍රදේශ පිළිබඳ අධ්‍යයනය කර මීට මාස 06 පමණ පෙර අදාළ සැලැස්ම සැකසීමට පියවර ගත බවය.

ඒ හා සම්බන්ධ වාර්තාව විදේශ සේවා නියුක්ති කාර්යාංශය, විදේශ සේවා අමාත්‍යංශය සහ විදේශ කටයුතු අමාත්‍යංශයට භාර දී ඇති බවත් තානාපතිවරිය වැඩිදුරටත් සඳහන් කළාය.

උතුරු කොරියාව

ඇමරිකාව සහ උතුරු කොරියාව අතර මතුව ඇති උණුසුම්කාරී වාතාවරණය සම්බන්ධයෙන් ලොව සෙසු රටවල් ද විමසිල්ලෙන් පසුවෙති.චීන රාජ්‍යය රූපවාහිනිය නිවේදනයක් නිකුත් කරමින් කියා සිටියේ උතුරු කොරියාවේ න්‍යෂ්ටික වැඩසටහන මුල් කර ගනිමින් මතුව ඇති අර්බුදයට සාමකාමී විසඳුමක් අත්‍යවශ්‍ය බව චීන ජනාධිපති ෂි ජින් පින්, ඇමරිකානු ජනාධිපති ඩොනල්ඩ් ට්‍රම්ප් වෙත පවසා ඇති බවය.

දෙරටේ නායක දෙපල අතර පැවති දුරකථන සංවාදය අතරතුර සියලු පාර්ශව සංයමයෙන් කටයුතු කිරීමේ සහ නොඉවසිලිමත්භාවය ඉහළ යාමට තුඩු දෙන වචන හුවමාරු කර ගැනීමෙන් වැළකී සිටීමේ වැදගත්කම ජනාධිපති ජින් පින් අවධාරණය කළ බවත් එම වාර්තාවේ දැක්වේ.

රුසියාව, චීනය සහ ජර්මනිය

උතුරු කොරියාව

මේ අතර ඇමරිකානු ධවල මන්දිරය නිවේදනයක් නිකුත් කරමින් කියා සිටියේ උතුරු කොරියාව සිය “කුපිතකාරී හැසිරීම” නවතා දැමිය යුතු යයි අදාළ දුරකථන සංවාදයේ දී දෙරටේ නායකයන් එකඟ වූ බවය.

වොෂින්ටනය සහ ප්යොංයැං පාලනය එකිනෙකාට තර්ජනය කර ගැනීම මොස්කව් පාලනයේ කණස්සල්ලට හේතු වී ඇති බව රුසියාව පවසයි

ගුවාම් දූපත ගැන මේ කරුණු දැන සිටියාද?

අර්බුදකාරී වාතාවරණය සමනය කිරීම සඳහා චීන – රුසියානු ඒකාබද්ධ සැලැස්මක් පිළිබඳ අදහස් දක්වමින් රුසියානු විදේශ අමාත්‍ය සර්ගෙයි ලැව්රොෆ් කියා සිටියේ හමුදා ගැටුමක් ඇති වීමට පවතින අනතුර ඉහළ මට්ටමක පවතින බවය.

ජර්මනියේ චාන්සලර්වරිය ඇන්ගලා මර්කල් කියා සිටියේ උතුරු කොරියාවේ න්‍යෂ්ටික වැඩසටහන මුල් කර ගනිමින් මතුව ඇති අර්බුදයට හමුදා විසඳුමක් නොමැති බවය.

(BBC)

About LNC

Check Also

Cut trees in the banks of the Gin river.

දකුනේ මහා පරිසර විනාසයක්. උණ ගස්වලට මුවාවී ගිං ගඟ ඉවුරේ තිබුණු ගස් කපලා.

ගිං  ගඟට බරවි තිබු උණගස් කපා ඉවත්  කොට කුඹුක් පැළ සිටුවිමේ ව්‍යාපෘතිය මේ වන විට …

Leave a Reply

Your email address will not be published. Required fields are marked *