නොමිලයේ පොහොර පිටරටින් ගෙන්වනවා නම් ඊට පිටුපසින් වකුගඩු නැව් ද ගෙන්වන එක හොඳයි.
ගොවීන්ට පොහොර නොමිලයේ ලබා දීම තුළින් වකුගඩු රෝගීන් වැඩිවීම සිදුවන හෙයින් එය කිසිසේත්ම සුදුසු දෙයක් නොවන බව ජනාධිපති මෛත‍්‍රිපාල සිරිසේන ප‍්‍රකාශ කළේය. ගොවීන්ට නොමිලයේ දීමට රසායනික පොහොර පිටරටින් ගෙන්වනවා නම් ඊට පිටුපසින් වකුගඩු නැව් ද ගෙන්වන එක හොඳ යැයි ජනාධිපතිවරයා කීවේය. කළුගඟ ජලාශයේ දියවර මංගල්‍යයට සහ අඹන නව නගරය ජනතා අයිතියට පවරාදීම නිමිත්තෙන් පැවැති උත්සවයේදී ජනාධිපතිවරයා එසේ පැවැසීය.