ඊයේ (ජූලි 09) සිදු වූ විදුලිය බිඳ වැටීම යථා තත්වයට පත්කිරීම සඳහා අධිවේගී මාර්ගයේ පිටත වටරවුම මාර්ග කොටසේ කඩුවෙල සිට කඩවත දක්වා කොටස අද (ජූලි 10) දින පස්වරු 12.30 සිට පස්වරු 3.30 දක්වා තාවකාලිකව වසා තබන බවට මාර්ග සංවර්ධන අධිකාරිය දැනුම් දෙයි.
කඩවත පිවිසුමෙන් අධිවේගී මාර්ගයට ඇතුළත් විය නොහැකි අතර මාතර සිට පැමිණෙන වාහන ගමන් කළ හැකිවන්නේ කඩුවෙල දක්වා පමණි. කඩුවෙල පිවිසුමෙන්ද කඩවත දෙසට වාහන ඇතුළත් විය නොහැක.