නවාස් ශරීෆ් පක්ෂ නායකත්වයට සුදුසු නොවන බවට තීරණයක්.
හිටපු පකිස්ථාන අග්‍රාමාත්‍ය නවාස් ශරීෆ් පක්ෂ නායකත්වයට සුදුසු නොවන බව පකිස්ථාන ශ්‍රේෂ්ඨාධිකරණය නිවේදනයක් නිකුත් කර ඇති බව විදෙස් මාධ්‍ය සඳහන් කර සිටී.
දූෂණ චෝදනා එල්ලවීම හමුවේ ඉකුත් වසරේදී ධූරයෙන් ඉවත් කරන ලද නවාස් ශරීෆ්ට, PML-N පක්ෂ නායකත්වයෙන් ඉල්ලා අස්වන ලෙසට ශ්‍රේෂ්ඨාධිකරණය නියෝග කර ඇති බවත්, ධූරයෙන් ඉවත් කළ පසු නවාස් ශරීෆ් තවදුරටත් පක්ෂ නායකත්වයට සුදුස්සෙකු නොවන බවත් සඳහන් වේ.
මේ යටතේ පක්ෂ නායකයා ලෙස නවාස් ශරීෆ් ගත් සියලු තීරණ සහ නියෝග ද බල රහිත වනු ඇති බවත් සඳහන් වේ.