මහ ඇමතිට එරෙහි විශ්වාසභංගය ඉල්ලා අස්කර ගනී.
උතුරු පළාත් ප්‍රධාන අමාත්‍ය සී.වී විග්නේෂවරන් එරෙහි විශ්වාසභංගය ඉල්ලා අස්කර ගන්නා බවට දෙමළ ජාතික සන්ධානයේ නායක විපක්ෂනායක ආර්.සම්බන්ධන් මහතා විසින් උතුරු පලාත් ප්‍රධාන අමාත්‍ය සී.වී.විග්නේෂ්වරන් වෙත ලිපියක් මගින් දැනුම් දී ඇත.
දූෂණ චෝදනා සනාථ නොවූ අමාත්‍යවරුන් දෙදෙනෙකු මසක නිවාඩුවක් සහිතව අමාත්‍යධූර අත්හිටුවීමට තීරණය කිරීමත් සමග මහ ඇමතිවරයාට එරෙහි විහ්වාසභංගයක් ගෙන ඒමට තමිල් අරසු කච්චි පක්ෂය පියවර ගෙන තිබුණි.පසුව එකී තීරණය වෙනස් කරන බවට මහ ඇමතිවරයා එකඟතාව පලකරමින් ලිපියක් යැවීමත් සමග මෙම විශ්වාසභංගය ඉල්ලා අස්කර ගැනීමට තිරණය කර ඇති බව සදහන්ය.