අයියා වෙනුවට ප්රායෝගික පරීක්ෂණයට පෙනී සිටි මල්ලී, පොලිස් අත්අඩංගුවට. පුවත් On Nov 11, 2017 තම වැඩිමහල් සහෝදරයා වෙනුවට ප්රායෝගික පරීක්ෂණයකට ඉදිරිපත් වූ බාල සහෝදරයෙකු පොලිස් අත් අඩංගුවට ගෙන ඇත . එ් අධ්යාපන අමාත්යාංශය මගින් පාසැල් සදහා ක්රීඩා පුහුණුකරුවන් බඳවා ගැනීමට අදාළව මේ දිනවල පනාගොඩ යුද හමුදා කඳවුරේ පැවත්වෙන ප්රායෝගික පරීක්ෂණයක් අතරතුරයි. පසුගිය සිකුරාදා දිනයේ අම්පාර දිස්ත්රික්කය නියෝජනය කරන අයදුම් කරුවන්ට අදාළ, ප්රායෝගික පරීක්ෂණ පනාගොඩ යුධ හමුදා පරිශ්රයේ පැවැත්විනි .එහිදී අදාළ පුද්ගලයා ද ඉදිරිපත් වී ඇත්තේ අම්පාර දිස්ත්රික්කය නියෝජනය කරන වෙනත් අයදුම්කරුවෙකු වෙනුවටයි.අමාත්යාංශ නිලධාරින් විසින් දීර්ඝ වශයෙන් ඔහුගෙන් ප්රශ්න කොට, ලිපි ලේඛන පරීක්ෂා කිරීමේ දී අනාවරණය වී තිබෙන්නේ ඔහු තම වැඩිමහල් සහෝදරයා වෙනුවට අදාල ප්රායෝගික පරීක්ෂණයට පෙනී සිට ඇති බවයි.ඉන් අනතුරුව අධ්යාපන අමාත්යාංශ නිලධාරින් විසින් පොලීසිය දැනුවත් කිරීමෙන් පසු අදාල පුද්ගලයා හෝමාගම පොලිසිය විසින් අත්අඩංගුවට ගෙන ඇත .මීට අමතරව ඔහු සන්තකයේ තිබූ ජාතික හැඳුනුම්පත් දෙකක් ද පොලිස් භාරයට ගෙන ඇත . Share this:TwitterFacebook Related