ඉදිරි පාර්ලිමේන්තු මැතිවරණයේ දී පාර්ලිමේන්තු මන්ත්රී රවී කරුණානායකට එක්සත් ජාතික පක්ෂයෙන් නාමයෝජනා ලබා නොදෙන බවට අග්රාමාත්ය රනිල් වික්රමසිංහ විසින් ප්රතිඥාවක් දිය යුතු බවට අභියෝගයක් කරන බව හිටපු පාර්ලිමේන්තු මන්ත්රී ජී.එල්. පීරිස් පවසා ඇත. ශ්රි ලංකා පොදුජන පෙරමුණේ මාධ්ය හමුවට එක්වෙමින් ඔහු මේ බව සඳහන් කර ඇත.
එමෙන්ම ජි.එල්.පිරීස් පවසා ඇත්තේ, බැඳුම්කර කොමිසම් වාර්තාව මඟින් රවී කරුණානායකට ඉතා බරපතළ චෝදනා එල්ල වී ඇති බවත් එවැනි පුද්ගලයෙකු තම පක්ෂයේ තබා ගැනීමට එරෙහිව අගමැතිවරයා විසින් ජනතාවට පූර්වාදර්ශයක් සැපයුතු බවත්ය. රවි කරුණානායක මේ වන විට එක්සත් ජාතික පක්ෂයේ නියෝජ්ය නායක ධූරය හොබවන බැවින් එක්සත් ජාතික පක්ෂයේ කෘත්යාධිකාරී මණ්ඩලය ඉදිරියට ගොස් ඔහු පක්ෂයෙන් ඉවත් කිරීමට අගමැතිවරයා සුදානම් දැයිද ඔහු විමසා ඇත.