වසර 05ක් යනතුරු කිසිදු පුද්ගලයෙකුට දේශපාලන කුමන්ත්රණවලින් ආණ්ඩුව වෙනස් කළ නොහැකි බව ජනාධිපති මෛත්රීපාල සිරිසේන පවසයි.
ජනාධිපතිවරයා සඳහන් කළේ ඉදිරි වසර 05 තුළදී ද සම්මුතිවාදි රජයක් තුළ සහයෝගයෙන් කටයුතු කිරීමට එක්සත් ජාතික පක්ෂයත් ශ්රී ලංකා නිදහස් පක්ෂයත් තීරණය කර ඇති බව ය.
පොළොන්නරුව රාජකීය විද්යාලයේ පැවැති උත්සවයකට එක්වෙමින් ජනාධිපති මෛත්රීපාල සිරිසේන මෙම අදහස් පළ කළේ ය.
මෙහිදී වැඩිදුරටත් අදහස් දැක්වූ ජනාධිපතිවරයා පැවසුවේ ජනතාවට ලබාදුන් පොරොන්දු නිසි ලෙස ඉටුකිරීමට යහ පාලන රජය කැපවීමෙන් කටයුතු කරන බව ය.
වර්තමානයේ මෙරට මුහුණදී සිටින සියළුම අභියෝගවලට නිසි රාජ්ය ප්රතිපත්තියක් සහ කළමනාකරණයක් තුළ මුහුණදීමට කටයුතු කරන බව ද මෙහිදී ජනාධිපතිවරයා වැඩිදුරටත් පවසා තිබේ.