රාජිතට විශ්වවිද්‍යාල ආචාර්යවරුන්ගේ විරෝධය.
හිටපු අමාත්‍ය රාජිත සේනාරත්නට නව රජයේ සෞඛ්‍ය අමාත්‍යධූරය හෝ වෙනත් අමාත්‍යධූරයක් හිමි වීම කෙරෙහි ජාතික විශ්වවිද්‍යාල ආචාර්යවරුන්ගේ සංගමයේ විරෝධය පළ කර ඇත. මේ සම්බන්ධයෙන් නිවේදනයක් නිකුත් කරමින් එම සංගමයේ ලේකම්, මහාචාර්ය චන්න ජයසුමන මේ බව නිවේදනය කර තිබේ.
මේ සම්බන්ධයෙන් වත්මන් අග්‍රාමාත්‍යවරයා වෙත ද ලිපියක් යොමු කර ඇති බව සඳහන් වේ.
රටේ සාතිශය බහුතර ජනතාවගේ පිළිකුලට ලක්ව ඇති මෙවැනි පුද්ගලයෙකු කිසිසේත් වත්මන් කැබිනට් මණ්ඩලය තුළ නොසිටිය යුතු බව ඔවුන් වැඩිදුරටත් සඳහන් කර ඇති බව පැවසේ.