ඌව පළාත් ආණ්ඩුකාරවරයා ලෙස ජනාධිපති මෛත්රීපාල සිරිසේන විසින් පසුගිය 04 වැනිදා පත්කරන ලද රංජිත් කීර්ති තෙන්නකෝන් එම පළාත් මහ ඇමතිවරයා වන චාමර සම්පත් දසනායක ගෙන් දැඩි විරෝධයක් එල්ලවීම නිසා ජනාධිපතිවරයාට ඔහු දකුණු පළාතට මාරු කිරීමට සිදුවිය .
රංජිත් කීර්ති තෙන්නකෝන් වෙනත් තැනකට යොමු නොකරන්නේ නම් ඌව පළාත් සභාවෙන් ඉවත් නොකරන්නේ නම් තමන් මහ ඇමති ධුරයෙන් ඉල්ලා අස්වන්නේ යයි ජනාධිපතිවරයාට චාමර සම්පත් දසනායක විසින් දැනුම් දී ඇත.
ඒ හේතුවෙන් ඔහු දකුණු පළාත් සභාවට පත් කිරීමට ජනාධිපතිවරයා කටයුතු කර දකුණු පලාත් ආණ්ඩුකාර මාෂල් පෙරේරා ඌව පලාත් සභාවට පත් කිරීමට කටයුතු කර ඇත.
මෙම දැඩි විරෝධයට හේතුවී ඇතැයි පැවැසෙන්නේ පසුගිය කාලයේ දී ආන්දෝලනයකට ලක්වූ ගුරුවරියක් දණ ගැස්වීමේ සිද්ධිය මෙන්ම උමා ඔය ව්යාපෘතිය සම්බන්ධයෙන් රංජිත් කීර්ති තෙන්නකෝන් විරෝධය දක්වමින් පෙනී සිටිමිය.