කොළඹ 07, ටොරින්ටන් ඇවිනිව් හි පිහිටි අංක 260/12 ස්ථානයේ පිහිටි නිවස මිලදී ගැනීමට වියදම් කල මුදල උපයාගත් ආකාරය හෙලිකිරීමට අපොහොසත් වීම හේතුවෙන් මුදල් විශුද්ධිකරණය යටතේ චෝදනා එල්ලවී ඇති හිටපු ජනාධිපති මහින්ද රාජපක්ෂගේ බිරිද වන ශිරන්ති රාජපක්ෂට එරෙහිව නඩු පැවරීම සදහා පොලිස් මූල්ය අපරාධ කොට්ඨාසය නීතිපති දෙපාර්තමේතුවෙන් උපදෙස් ඉල්ලා ඇත.
රාජපක්ෂ පවුලේ හිතවතෙකු වන ඩුබායි මැරියට් හෝටලයේ හිමිකරුවා ලෙස පෙනි සිටි, නන්දන ලොකුවිතාන නැමැත්තා ද මෙම නිවස හා ඉඩම මිලදී ගැනීමේ සිද්දියට සම්බන්ධ බව අනාවරණය වී ඇත.
රාජපක්ෂ ආණ්ඩුකාලයේ ක්රියාත්මක වූ, විවිධ චෝදනා එල්ලවී ඇති, සිරිලිය සවිය, නිල් බලකාය, හා තාරුණ්යයට හෙටක් යන සංවිධාන වල ලිපින ලෙස මෙම නිවසේ ලිපිනය භාවිතා කර ඇති බවද මේවන විට වාර්තාවී ඇත.