පල්ලෙකැලේ ක්‍රීඩාංගනයේ පැවති තුන් වෙනි සහ අවසාන ටෙස්ට් තරගය ඉනිමකින් හා ලකුණු 171 කින් ජයගනිමින් ශ්‍රී ලංකාව හා ඉන්දියාව අතර තරග තුනකින් සමන්විත ටෙස්ට් තරගාවලිය 3-0ක් ලෙස ජයගැනීමට ඉන්දියාව සමත්විය.

ශ්‍රී ලංකා කණ්ඩායම පිට පිටම ටෙස්ට් තරග දෙකක් සිය රට තුළදී ඉනිමකින් පරාජය වූ පළමු වතාව ද මෙයයි. ක්‍රීඩා විස්තර විචාරකයන් එය හැඳින්වූයේ ‘ලැජ්ජා සහගත පරාජයක්’ ලෙසිනි.

දින තුනක් ඇතුළත තුන් වෙනි තරගය අවසන් වූ අතර, සිය ඉනිම් දෙකේදීම ලකුණු දෙසීයේ සීමාවට හෝ ලඟා වීමට ශ්‍රී ලංකා කණ්ඩායම අපොහොසත් විය.