16 කණ්ඩායම තුනට කැඩෙයි.
ආණ්ඩුවෙන් ඉවත් වූ ශ‍්‍රීලනිප 16 කණ්ඩායමේ කිහිප දෙනෙකු නැවතත් ආණ්ඩුවට එක්වීමට සූදානමකින් සිටින බව සන්ධාන මහ ලේකම් ඇමති මහින්ද අමරවීර සඳහන් කර ඇත. එම 16 දෙනාද ආණ්ඩුවෙන් ඉවත්ව ගොස් අතරමංව සිටින ශ්‍රීලනිපය ආණ්ඩුවෙන් ඉවත්වුවහොත් වන්නේ පක්‍ෂය තුනට කැඩීම පමණක් බවත් ඇමැතිවරයා පෙන්වා දී ඇත.
16 කණ්ඩායම මේ වන විට මතවාද තුනක් නියෝජනය කරමින් කණ්ඩායම් තුනකට බෙදී ඇති බවත් කියා ඇති අමාත්‍යවරයා තමන් ඕනෑම අවස්ථාවක සන්ධාන මහලේකම් තනතුර අතහැරීම සූදානම් බවත් නමුත් ශ්‍රීලනිපය වෙනත් පක්‍ෂයකට පූජා කිරීම ඉලක්ක කරමින් සිදු කරන යෝජනාවලට එකග වන්නේ නැති බවත් ඔහු අවධාරණය කර ඇත.