රටේ බහුතරයක් ජනතාව පීඩාවට පත් කරන වක්ර බදු ක්රමය අහෝසි කර වැඩි ආදායම් උපයන අයගෙන් බදු අයකර ගැනීම සදහා නව බදු පනත් කෙටුම්පත සංශෝධන 111 ක් සමග ලබන 7 වන දා පර්ලිමේන්තුවට ඉදිරිපත් කිරීමට නියමිත බව මුදල් අමාත්යාංශයේ ප්රකාශකයෙකු සදහන් කරයි.
මෙම පනතට එරෙහි වන්නේ පසුගිය සමයේ බදු හොරු සහ දූෂිතයින් බවත් නිර්ධන පංතියේ ජනතාවට ලැබෙන සහනයන්ට විරුද්ධ වන්නේ කළු සල්ලි ජාවරම් කරුවන් බවත් වැඩි දුරටත් පවසා ඇත. පසුගිය රාජපක්ෂ රජයේ 2006/10 පනතින් ලබා දුන් බදු සහන යෝජිත පනත හරහා කප්පාදු කර ඇති බවට ඇතමුන් චෝදනා කරන මුත්, එසේ සහන ලබා දී ඇත්තේ රාජපක්ෂ රෙජිමයේ හිතවතුන්ට පමණක් බවද එම ප්රකාශකයා වැඩිදුරටත් පවසා ඇත.
ඔහු පවසා සිටින්නේ, මෙසේ නව බදු පනතට විරුද්ධ වෙමින් අසත්ය ප්රචාර ගෙන යන බදු හොරු පිලිබදව සාක්ෂි සහිතව ඉදිරියේදී හෙළිකිරීමට මුදල් හා ජනමාධ්ය ඇමතිවරයා සූදානමින් සිටින බවයි.